Wasiirka Gaashaandhigga ee Xukuumadda Federaalka Soomaaliya Cabduqaadir Maxamed Nuur, ayaa sheegay in Maamulka Jubbaland uu qaadan doono mas’uuliyada haddii uu isku dhac Magaalada Raaskambooni ku dhex-maraya Ciidanka Dowladda iyo kuwa Jubbaland.

Wasiirka ayaa carabka ku dhuftay in 1000 Askari ee ay Dowladda geysay Raaskambooni ay ugu talagashay in ay ku xoojiso dagaalka Al-shabaab, balse Jubbaland ay ka dhigtay in dulaan laga yahay, arrintaasina aysan waxba ka jirin.

Waxa uu sidoo kale tilmaamay in Jubbaland ay dooneyso inay sumcad-disho Ciidanka Xoogga Dalka,isla markaana ay ka dhigto kuwa u socda burburinta Jubbaland.

Ugu dambeyn Wasiir Jaamac ayaa hoosta ka xariiqay in ciidanka xoogga ay guulo weyn ka gareen dagaaladii ay ku qadeen degaanka Buula-xaaji ee Gobolka Jubbada Hoose.