Maxkamadda degmada Waaberi ee gobolka Banaadir, ayaa 2 sanno oo xabsi ah ku xukuntay Nin iyo Xaaskiisa oo  124 muqaalo oo anshax xuma ah iska duumay, sida uu sheegay guddoomiyaha maxkamadda degmada Waaberi Abshir Cumar.

Guddoomiyaha ayaa bulshada Soomaaliyeed uga digay in ay si qaldan u isticmaalaan Caamirooyinka iyo Moobilada lagu duubayo qolalka gaar ah lamaanayaasha Aabaha  ama Hooyada Guriga.

Guddoomiyaha ayaa muqaal wacyi gelin ah soo duubay  si bulshada ku nool degmooyinka Waaberi iyo Xamar Jajab, ugu digayo  in ay ku kacaan falal anshax xumo  ah kaasi oo lagu baahiyey Telefashinka Qaranka ee dowladda.

Sidoo kale guddoomiyaha Maxkamadda ayaa sheegay  in ay qariyeen magacyada iyo sawirrada lamaanayaashaan, xukunka ku dhacay.

Waxa uu intaas ku daray hadalkiisa guddoomiye Abshir  in muuqalada lamaanaha lala wadaagay  qaar kamid ah waalidiintooda, iyada oo looga dalbanayo in ay bixiyaan lacago, balse waalidiinta ayaa ogaaday in lamaanaha ay isla og yihiin arrintaani.

Ugu dambeyn guddoomiye Abshir, ayaa carabta ku dhuftay mudda saddex bil ah e e uu hayo maamulka Maxkamaddaan, uu yahay mid kamid ah kiisaski ugu yaabka badnaa ee soo mara,  waxa uuna ugu baaqay  shacabka Soomaaliyeed in ay ka fogaadaan falalka la xiriira anshax xumada.