Howgal ay si wadajir ah u fuliyeen ciidanka Militariga iyo kuwa Nabad Sugida ee Soomaaliya oo kaashanaya howlgalka AUSSOM, ayaa ku guuleystay inay soo qabtaan xubno katirsan Al-shabaab oo ku dhuumaaleysanayay deegaanka Muuri oo hoostaga degmada Walaweyn ee gobolka Shabeellaha Hoose.

Bayaan kasoo baxay howlgalka AUSSOM ee nabad ilaalinta Soomaaliya ayaa lagu sheegay in deegaanka Muuri oo kamid ahaa meelaha lagu bartilmaameedsado ciidamada ammaanka, sidoo kale Alshabaab ay ku dhibaateysan jiran Shacabka Soomaaliyeed.

Howlgalka ayaa lagu soo qabtay hub lala xiriirinayo in dhowaan weerar lagu geystay  iyo  xubno la sheegay in ay katirsan yihiin dagaalamayaasha kooxda Al-shabaab.

Ugu dambeyn baryaanka kasoo baxay howlgalka AUSSOM, ayaa lagu sheegay in howgalkan uu muujinayo sida AUSSOM, ay uga go,an tahay in ay gudato waajibaadkeeda, isla markaana ay dooneyso sidii mas’uuliyadaha amniga loogu wareejin lahaa ciidanka dowladda Soomaaliya.

Sikastaba, Al-shabaab ayaa meelaha ay weli ku xooggan tahay waxaa kamid ah gobolka Shabeellaha Hoose, iyo deegaano kamid ah maamulka Koonfur Galbeed ee Soomaaliya.