Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa deegaanka Masagawaay ee Gobolka Galgaduud ka dhagax dhigay saldhig Boliis oo dhawaan laga hirgelinayo deegaankaas.
Dhagax dhigga xaruntan Amni ayaa meesha ka saaraysa baahidii ay dadka deegaankaasi u qabeen helidda adeegga dowliga ah ,si meesha looga saaro caqabadihii dhinaca garsoorka iyo amniga la xiriiray oo ay qabeen Bulshada deegaanka Masagawaay iyo nawaaxigeeda .
Ciidanka Boliiska ee Saldhigaan ku howgeli doona ayuu Taliyuhu sheegay in shaqadoodi noqon doonto inay u adeegaan dadka deegaanka cadowgana ka ilaaliyaan ,waxaana uu bushada ka codsaday in Ciidamadooda la shaqeeyaan lana wadaagaan xogaha Amni ee la xiriira dhagaraha ay maleegayaan Khawaariijtu si looga hortago.
Munaasabadda dhagax dhigga Saldhigga kadib Taliye Asad ayaa kormeeray xarunta ay deegaankaas kaga howlgalaan Guddiga Madaxa-bannaan ee Doorashooyinka Qaranka iyo Soohdimaha xilli ay ku guda jireen ololaha diiwaangelinta codbixiyaasha