Wararka inaga soo gaaraya gobolka Hiiraan, ayaa sheegay in ciidamada dowladda iyo kuwa deegaan iyo Al-shabaab uu dagaal culus ku dhexmaray deegaano ku teedsan Wabiga Shabeelle ee Gobolka Hiiraan.

Ciidamada dowladda iyo kuwa deegaanka ayaa dagaal culus kaddib la wareegay deegaano dhowr ah oo ku teedsan Wabiga Shabeelle, gaar ahaan deegaano hoostaga degmada Buulobarde ee Gobolka Hiiraan.

Howlgalkan culus, ayaa la sheegay inuu ahaa mid qorsheysan oo ay hoggaaminayeen saraakiil katirsan ciidanka xoogga dalka

Sarkaal u hadlay ciidanka xoogga ayaa sheegay in jab xooggan ay kooxda Al-shabaab, ku gaarsiiyeen dagaalka ayna ku qadeen deegaanada ay in muddo ah gacanta ku hayeen.

Sikastaba, dhowaan ayey aheyd markii magaalada Baladweyn ee gobolka Hiiraan, looga dhawaaqay guluf dagaal oo ka dhan Al-shabaab, kaasi oo ah wajigiisa labaad ee dagaalka ka dhan ah Al-shabaab.