Warar kala duwan ayaa kasoo baxaya dhowr qarax oo xalay saqdii dhexe laga maqlay degmada Daarusalaam ee gobolka Banaadir, kuwaasi oo aan geysan wax khasaaraha sida uu Booliska Soomaaliya sheegay.

Warsaxaafadeed kasoo baxay Taliska Booliska Soomaaliya, ayaa lagu sheegay in qaraxyadii xalay ay ahayeen kuwa been abuur ah.

Booliska ayaa sheegay in bulshada Soomaaliya iyo saxaafada intaba ay u cadeynayaan  in wax khatar amni darra ah aysan ka jirin Caasimada Muqdisho.

“Miinooyinkaas waxaa la xaqiijiyay inay ahaayeen kuwo dheemish ah oo aan wax khatar ah geysan. Ma jirin wax khasaare nafeed ama mid hantiyeed oo ka dhashay falkaas. Ciidanka Boliiska ayaa si degdeg ah uga jawaabay dhacdadan, kana qaaday tallaabooyin lagama maarmaan ah oo lagu xaqiijinayo amniga iyo kalsoonida bulshada”. Ayaa lagu yiri warsaxafadeedka taliska Booliska Soomaaliyeer.

Sidoo kaleTaliska Boliiska ayaa ugu baaqay shacabka inay nabadda kala shaqeeyaan ciidamada amniga, ayna ka digtoonaadaan wararka been abuurka ah ee lagu qalqal galinayo bulshada Soomaaliyeed.