Taliyaha Ciidanka Booliska Soomaaliyeed Sarreeye Guuto Asad Cismaan Cabdullaahi ayaa maanta la kulmay Safiirka Dowladda Ingiriiska u fadhiya Soomaaliya Danjire Mike Nithavrianakis.
Kulanka Taliyaha waxaa ku wehlinayay Saraakiil Taliska Booliska katirsan, waxaana diirada lagu saaray qodobo kala duwan oo kamid ahayeen sida dowladda Ingiriiska taageerida u siiso ciidanka Booliska ,iyo xoojinta iskaashiga Amniga iyo ladagaalanka kooxaha argagixisada.
Sidoo kale inta uu kulanka socday ayaa safiirka Ingiriiska u fadhiya Soomaaliya, waxa uu sheegay in dowladiisa ay sii wadi doonto taageerada kala duwan ay siiso dowladda Soomaaliya, ayna xoojin doonaan xiriirka ka dhaxeeya labada dowladood.
Geesta kale Taliyaha ciidanka Booliska Soomaaliya Asad Diyaano ayaa kaga mahad celiyay safiirka Ingiriirska u fadhiya Somaaliya Danjire Mike, sida ay u garab taagan yihiin dowladda iyo shacabka Soomaaliyeed, ugana caawinayaan amniga iyo kobcinta dhaqaalaha.