Wararka ka imaanaya dalka Swedan, ayaa sheegaya in rag hubeysan ay toogasho ku dileen Salwan Momika, oo dhowr mar gubay Kitaabka Qur’aanka Kariim gudaha dalka Swedan.

Warbaahinta Sweden , ayaa xaqiijisay in lagu dilay toogasho ka dhacday guriga uu degganaa Salwan Momika oo ah qaxooti ka soo jeeda Ciraaq oo marar kala duwan gubay kitaabka Qur’aanka kariimka ah.

Sidoo kale toogashada ayaa si gaar ah uga  dhacday xaafadda Sodertalje ee koonfurta caasimadda Sweden ee Stockholm.

Momika oo nacayb badan ku abuuray bulshada Islaamka uu ku jiray muuqaalka tooska ah ee TikTok , markaa oo rag hubaysan ay guriga ugu galeen iyagoo ku furay rasaas uu markii dambe u dhintay, sida ay booliiska sheegeen