Taliyaha qeybta guud ee Booliska gobolka Banaadir Mahdi Cumar Muumin, oo Shir jaraa’id ku qabtay magaalada Muqdisho, ayaa ka hadlay amniga guud ee caasimada Muqdisho, iyo amaro culus oo ay soo sareen.

Taliyaha ayaa sheegay in sanadkan cusub ay rajeynayaan in caasimada ay noqoto mid xasiloon, kana caagan hubka, isla markaana uu rajeynayo in booliska iyo ciidanka dharcad ay sugi doonaan amniga Muqdisho, lana arki doonin askari Boolis ah oo hub ku dhexwata magaalada.

Sidoo kale Taliye Macalin Mahdi ayaa carabka ku dhuftay in cid kasta oo caqabad ku ah wadashaqeynta hay’adaha ammaanka gacan bir ah lagu qaban doono.

“Cid kasta oo caqabad ku ah wadashaqeynta hay’adaha ammaanka Muqdisho gacan bir ah ayaan isaga qaba doonaa, sanadkaan waxaan xaqiijin doona in magaaladaan noqoto caasimad xasiloon.”ayuu yiri Taliya Macalin Mahdi.