Maareeyaha garoonka diyaaradaha ee maamulka Jubbaland Cabdirisaaq Sheekh Aadan, ayaa waxa lagu xumaado ku tilmaamay xayiraadii ay dowladda federaalka ku soo rotay diyaaradihii tagi jiray magaalada Kismaayo.

“Waxa uu caddeeyay in dad soo rabay inay howlo caafimaad u tegaan Muqdisho ay geeriyoodeen, maadama bukaanada qaar ay u baahnaayeen inay dalka dibadiisa aadaan, maadaama ay adag tahay in diyaarad ka baxda Kismaayo ay tagi karto Nairobi, sidaas darteen ay dadka ku qasban yihiin inay tegaan magaalada Muqdisho”.ayuu yiri maareeye Cabdirisaaq.

Sidoo kale waxa uu tilmaamay inay xaalad adag ay taagan tahay mudda maalmaha ee ay hakad ku jiro duulimaadyadii tagi jiray iyo kuwii ka bixi jiray magaalada Kismaayo ee xarunta KMG u ah Jubbaland.

Sikastaba, hay’adda duulista rayidka ee Soomaaliyeed ayaa dhowaan ku wargelisay in la joojisay duulimaadyadii tagi jiray deegaanada dowlad goboleedka Jubbaland.