Laascanood (ONKOD ) Magaalada Laascanood ee gobolka Sool oo ay dagaalo ka dhaceen waxaa ka barakacay qoysaskii ugu badanaa kuwaas oo gaaray meelo ka mid ah dalka.

Magaalada wali waxa ka dhacaya iska hor imaadyo hubaysan kuwaas oo ay ka baxsadeen dadka rayidka ah ee ku noolaa magaalooyinka  gobolada Sool , Sanaag iyo Cayn.

Kuma arkaysid gudaha magaalada carruur damaashaad ku jirta xaafadaha qaar waa kuwo cidlo ah waxaa keliya goobahaas lagu arkayaa ciidamo hubaysan waxaana markasta suurtagal ah in iska  hor imaadyo ay ka dhacaan

Saddexda barcad ee Magaalada Laascaanood lagu oogi jiray Salaadda Ciidda waa kuwo cidlo ah, mid kamid ah Masaajidda ku taalla Magaaladaas ayaa la isugu geeyay dadka kooban ee maanta tegay si ay ugu tukadaan Salaadda.

Ciidanka Somaliland iyo kooxaha  ayaa is dhaafsanaya Madaafiic sababtay dhimasho, dhaawac iyo burbur horleh oo gaaray xaafadaha qaar ee Magaalada Laascaanood xarunta Gobolka Sool iyada oo weli ay is fadhiyaan labada ciidan.