Muqdisho (Onkod Radio) – Kooxda Al-Shabaab, ayaa markii ugu horreysay ka hadashay weerarkii ay ku qaadeen degmooyinka Yeed, iyo Caato, ee dhaca xuduudka Itoobiya, iyo Soomaaliya, kaasi oo guul weyn ay ka sheegateen.

Sidoo kale waxay soo bandhigeen maxaabiis ay nolosha kusoo qabteen, intii ay dagaalladu socdeen, sida ay sheegteen.

Inkasta oo deegaannada uu dagaalku ka dhacay yihiin dhul Soomaaliyeed, oo ka tirsan deegaannada gobolka Bakool ee maamulka Koonfur Galbeed ayaa haddana waxaa ku sugan ciidamo ka ammar qaata dowlad deegaanka Soomaalida Itoobiya.

Waa magaalooyin istaraatiiji ah, oo ku teedsan xudduuda Soomaaliya, iyo Itoobiya.