Wasiirka Amniga Gudaha Xukuumadda Federaalka Soomaaliya Mudane Cabdullaahi Sheekh (Fartaag), ayaa maanta xafiiskiisa ku qaabilay Danjiraha Dowladda Swizerland u fadhiya Soomaaliya, Mirko Giuliette, waxayna ka wada hadleen xoojinta iskaashiga dhinacyada kala duwan ee ka dhaxeeya labada dal.

Kulankii Wasiirka iyo Danjiraha ayaa si gaar ah diiradda loogu saaray xoojinta taageerada ay Dowladda Swizerland siiso Soomaaliya, gaar ahaan dhinacyada socdaalka iyo amniga oo xilligan muhiim u ah dalka, si looga guuleysto Kooxaha khatarta ku ah amniga dalka iyo guud ahaan caalamka.

Sikastaba, maalmihii dambe wasiir Fartaag, ayaa xoojiyay kulamada kala duwan uu la qaadanayo daneeyaasha soomaaliya si wasaaradda arrimaha gudaha looga tageero qorshaheeda wax kaqabashada amniga gudaha Dalka.