Wasiir dowlaha wasaaradda Gaashaandhiga ee xukuumadda Soomaaliya Cumar Cali Cabdi, ayaa ka hadlay xaalada amniga dalka iyo qabashadii Al-shabaab ee todobaad ka hor degmada Balcad ee gobolka Shabeellaha Dhexe.

Wasiir dowladaha ayaa sheegay in ay Al-shabaab ay qabsadeen Balcad balse ay awoodi waayeen in ay sii jogaan magaalada.

Cumar Cabdi waxa uu sheegay in ay aheyd qalad dhacay in Shabaab ay qabsadaan degmada Balcad, balse qaladka dhacay la fahmay, waxa uuna intaas hadalkiisa ku daray in ciidanka xoogga dalka ay kordhiyeen howlgallada ka dhan ah al-shabaab.

Geesta kale wasiir dowlaha Gaashaandhigga, ayaa tilmaamay in dhul baaxad leh ay ciidanka xoogga iyo kuwa deegaanka ay ka qabsadeen al-shabaab, balse aan la buunbuunin si lamid ah marka ay shabaab qabsaden degmada Balcad taasina ay tahay mid lala yaabo, sida uu hadalka u dhigay