Madaxa ciidamada difaaca Nukliyeerka, iyo kiimikada ee Ruushka, Lt. Gen. Igor Kirillov, ayaa lagu dilay subaxnimadii maanta qarax ka dhashay qalab lagu aasay guri dabaq ah oo ku yaal magaalada Moscow, sida ay sheegeen saraakiisha Ruushka.

Kaaliyaha Kirillov, oo aan magaciisa la sheegin, ayaa sidoo kale lagu dilay qaraxa, guddiga baaritaanka ee Ruushka ayaa ku sheegay bayaan ka soo baxay Ruushka.

Laamaha ammaanka ee Ukraine ayaa Isniintii Kirillov ku soo oogay dacwad ah isticmaalka hubka kiimikada ah ee la mamnuucay intii uu socday duulaanka Ruushka ee dalkaasi, kaas oo soo bilowday Febraayo 2022 ilaa hadana socda.

Bishii Oktoobar, dowlada Ingriiska waxay cunaqabatayn saartay Kirillov iyo ciidamada ilaalinta nukliyeerka iyo isticmaalka walxaha qarxa.